ថ្ងៃសៅរ៍ ទី៣០ ខែឧសភា ឆ្នាំ២០២០
កំពុងសាកល្បងផ្សាយ
បិតសិប្បកម្មផលិត ទឹកម្ទេស ទឹកសៀង ទឹកប្រេងខ្យង និងទឹកត្រីបុក នៅខណ្ឌឬស្សី បន្ទាប់ពី ទទួលបណ្តឹងពីពលរដ្ឋថា ជះក្លិនស្អុយ
Thu,21 February 2019 (Time 01:40 PM)
ដោយ ៖ ប៉ុស្តិ៍មហានគរខ្មែរ (ចំនួនអ្នកអាន: 456នាក់)

រាជធានីភ្នំពេញ៖នៅព្រឹកថ្ងៃទី១៣ ខែកុម្ភៈ ឆ្នាំ២០១៩នេះ អាជ្ញាធរខណ្ឌឬស្សីកែវ បានចុះបិតទីតាំងសិប្បកម្មផលិតទឹកម្ទេស ទឹកសៀង ទឹកប្រេងខ្យង និងទឹកត្រីបុក ស្ថិតនៅផ្ទះលេខ៧៨ ផ្លូវលេខ២ ក្រុមទី១១ ភូមិទួលសំពៅ សង្កាត់ទួលសង្កែទី១ រាជធានីភ្នំពេញបន្ទាប់ពីប្រជាពលរដ្ឋនៅក្បែរនោះប្ដឹងថាជះក្លិនស្អុយនោះ។

បើតាមសមត្ថកិច្ចបានឲ្យដឹងថា ការចុះបិទទីតាំងខាងលើនេះលោក ជា ពិសី អភិបាលខណ្ឌឬស្សីកែវ និងជាជំនួយការសម្ដេចតេជោ ហ៊ុន សែន នាយករដ្ឋមន្ត្រី​នៃកម្ពុជា បានចាត់ឲ្យលោក លឹម សាម៉ឺឌី ប្រធានការិយាល័យអន្តរវិស័យខណ្ឌ ដឹកនាំមន្ត្រីពាក់ព័ន្ធនានា នាំយកលិខិតរបស់លោក ឃួង ស្រេង អភិបាលរាជធានីភ្នំពេញ ដើម្បីទៅបង្ហាញ និងជម្រាបជូនឲ្យលោក ស៉ីន ប៊ុណ្ណា ដែលជាម្ចាស់ទីតាំងសិប្បកម្មផលិតខាងលើបិតជាស្ថាពរ ឬប្ដូរចេញពីទីនេះ។

ជាមួយគ្នានេះដែរលោក លឹម សាម៉ឺឌី បានបញ្ជាក់ថា ការសម្រេចរបស់លោក ឃួង ស្រេង អភិបាលរាជធានីភ្នំពេញ ក្នុងការបិទ ឬប្ដូរទីតាំងចេញទៅលើសិប្បកម្ម ​ខាងលើនេះ គឺបានអនុវត្តទៅតាមពាក្យបណ្ដឹងរបស់ប្រជាពលរដ្ឋអ្នកក្បែ​ខាង ជាមួយការចូលរួមដោះស្រាយជាបន្តបន្ទាប់ របស់អាជ្ញាធរមូលដ្ឋានភូមិ-សង្កាត់-ខណ្ឌ និងការិយាល័យជំនាញពាក់ព័ន្ធមួយចំនួនទៀត។

លោកបានឲ្យដឹងទៀតថា បន្ទាប់ពីធ្វើកំណត់ហេតុ និងអានខ្លឹមសារជូនម្ចាស់ទីតាំងផលិតទឹកម្ទេស ទឹកសៀង ទឹកប្រេងខ្យង និងទឹកត្រីបុក លោកស្រី ពិន ពេជ្រម៉ាលី តំណាងឲ្យ​លោក ស៉ីន ប៊ុនណ្ណា បានឯកភាពអនុវត្តតាមការសម្រេចបិទអាជីវកម្មទាំងស្រុង ចាប់ពីថ្ងៃនេះតទៅ ប៉ុន្តែ​សំណូមពរមកអាជ្ញាធរឲ្យជួយពន្យា​រយៈពេល៩ខែក្រោយ ក្នុងការវិចខ្ចប់ផលិតផលដែលនៅសេសសល់ឲ្យអស់ជាមុនសិន ដើម្បីផ្លាស់ប្ដូរទីតាំងចេញ ដោយរាប់គិតចាប់ពីថ្ងៃនេះតទៅ បើក្នុងករណីមិនអនុវត្តតាមការសន្យានោះទេ សម្រេចមានវិធានការតាមបែបបទរដ្ឋបាលទៅចុះ៕

ព័ត៌មានគួរចាប់អារម្មណ៍

លក់ដីអោយគេហើយបែជាជឿតាមគេញុះញង់ហ៊ានឡើងតុលាការប្តឹងទារដីមកវិញ! (ប៉ុស្តិ៍មហានគរខ្មែរ)

ព័ត៌មានគួរចាប់អារម្មណ៍

អេងវាសនាត្រូវបានតុលាការទាត់ចោលបណ្តឹងធ្លាយរឿងលោកសឹងសារ៉ែនអោយប្រជាពលរដ្ឋក្រៅភូមិផ្តិតមេដៃគាំទ្រខ្លួនអោយឡើងធ្វើមេភូមិវិញ! (ប៉ុស្តិ៍មហានគរខ្មែរ)

ព័ត៌មានគួរចាប់អារម្មណ៍

មេភូមិជំពាក់បំណុលគេវ័ណ្ឌក ញុះញង់អោយពលរដ្ឋដើរប្តឹងទាមទារដីពីម្ចាស់បំណុលជ្រួលច្របល់ក្នុងមូលដ្ឋានមេឃុំប្រជុំដកចោល! (ប៉ុស្តិ៍មហានគរខ្មែរ)

ព័ត៌មានគួរចាប់អារម្មណ៍

មេភូមិជំពាក់បំណុលគេវ័ណ្ឌក ញុះញង់អោយពលរដ្ឋដើរប្តឹងទាមទារដីពីម្ចាស់បំណុលជ្រួលច្របល់ក្នុងមូលដ្ឋានមេឃុំប្រជុំដកចោល! (ប៉ុស្តិ៍មហានគរខ្មែរ)

ព័ត៌មានគួរចាប់អារម្មណ៍

រន្ទះបាញ់ផ្ទាំងសូឡាបណ្តាលឲ្យមនុស្ស២នាក់រងរបួសធ្ងន់និងស្រាល! (ប៉ុស្តិ៍មហានគរខ្មែរ)

វីដែអូ

ចំនួនអ្នកទស្សនា

ថ្ងៃនេះ :
67 នាក់
ម្សិលមិញ :
37 នាក់
សប្តាហ៍នេះ :
825 នាក់
ខែនេះ :
7068 នាក់
3 ខែនេះ :
16879 នាក់
សរុប :
60735 នាក់